ما تامي ضو

ﻟﻤﻠـــﻢ ﻋﻠﻴـــــﻚ

ﺭﻗﺮﺍﻗﻚ ﺍﻟﻤﺎ ﺗـــــﺎﻣﻲ ﺿﻮ ..

ﻭﺍﻧﺘﺮ ﻏﻴﻮﻣﻚ ﺷﺎﻥ ﺗﻔـــــﻮﺕ ..

ﺍﻟﺒﻴﻨﻲ ﻣﺎ ﺑﻴﻨﻚ ﻛﻤﺎ ﺍﻟﺒﻴﻦ ﺍﻟﺤـــــﺮﺍﺯﺍﺕ ﻭﺍﻟﻤﻄـــﺮ ..

ﻗﻮﻝ ﻟﻠﺤﻜﺎﻭﻱ ﺍﻟﻌﺴَّﻤﺖ ﺿﻬﺮ ﺍﻟﻜـــــﻼﻡ .

ﺧﻠﻴﻬﺎ ﺗﺘﻮﻛـــــﺎ ﺍﻟﺴﻜـــــﻮﺕ ..

ﻭﺍﻧﺰﻝ ﻣﻦ ﺍﻷﺣـــــﻼﻡ ﻗﺪﺭ ﺧﻴﺒـــــﺎﺗﻲ ﻓﻴﻚ ..

ﻏـــــﺎﺩﺭﻧﻲ ﺯﻱ ﻣﺎ ﺟﻴﺖ ﺑﺮﺍﻙ ..

ﻭﺍﻧﺎ ﺑﻲ ﻭﺭﺍﻙ ..

ﺑﻘﻔﻞ ﺷﺒﺎﺑﻴﻚ ﺍﺷﺘﻬﺎﻙ

ﺷﺎﻥ ﻣﺎ ﻳﺨـــــﺶ ﻣﻨﻚ ﺷﻌﺎﻉ

ﺃﻭ ﻳﻨﻜﺴﺮ ﻋـــــﺰﻡ ﺍﻟﺒﻴﻮﺕ ..

ﺍﻟﺪﻣﻌﺔ ﻃﻔـــــﺎﻳﺔ ﺣـــــﺮﻳﻖ ﺍﻟﺮﻭﺡ

ﻭﻛﺖ ﺟﻮﺍﻱ ﺣﻨﻴﻨﻚ ﻳﺸﺘﻌﻞ ..

ﻛﻞ ﺍﻷﻣﺎﻧﻲ غصب ﺗﻤـــــﻮﺕ ..

ﺍﻣﺮﻕ ﻣﻦ ﺍﻟـــــﺮﻭﺡ ﺍﻟـــــﻮﺟﻊ

ﻭﺍﻃﺮﺩ ﺷﻮﺍﻃﻴﻦ ﺍﻟﻌﺸـــــﻖ ..

ﺃﻧﺰﻝ ﻣﻦ ﺍﻟﺴﻤﺎ ﻛﺎﻟﻤﻄﺮ

ﻳﻐﺴﻞ ﻳﺒـــــﺎﺱ ﺃﺭﺽ ﺍﻟﺤﻨﻴﻦ

ﺍﻟﻔﻲ ﻭﺳﻂ ﻗﻠﺒـــــﻚ ﺣـــــﺮﻕ ..

ﺷﻤﺴﻚ ﻣﻐﺒـــــﺸـة ﻣﺎ ﺑﺘﺸﻮﻑ

ﻭ ﺷﻌﺎﻋﺎ ﻓﺘـــــﺮﺍﻥ ﻣﻦ ﻣﺤﻄﺎﺗﻲ ﺍﻟﻘﺒﻴﻞ ..

ﺑﻌﺖ ﺍﻟﻤـــــﻮﺍﻭﻳﻞ ﺍﻟﺒﺘﺤﻜﻴﻨﺎ ﻭ ﻧﻜﺮﺕ ﺻﺪﻯ ﺍﻟﻬـــــﺪﻳﻞ
..
ﻗﺒﺎﻝ ﺃﻭﺭﻳﻚ ﺍﻟﻔـــــﺮﻕ ..

ﻣﺎ ﺩﻣﺖ ﻣﺎ ﻗﺪﺭ ﺍﻟﻐـــــﺮﺍﻡ .. ﻓﻠﻨﻔﺘـــــﺮﻕ ..

ﻭﺍﻧﺎ ﻗﻠﺖ ﻟﻴﻚ

ﻳﺎ ﻗﻠﺒﻲ ﺃﺭﻛﺰ ﻟﻠﺒﺠﻴﻚ ..

ﺍﻭﻋﺎﻙ ﺗﺸﻴﻞ ﻫﻢ ﺍﻟﺒﺨـــــﻮﻥ

ﺧﻠﻴﻬﻮ ﻟﻲ ﺭﺏ ﺍﻟﺨـــــﻠﻖ ..

ﻻ ﺗﻤﺸﻲ ﻓﻲ ﺩﺭﺏ ﺍﻟﻈﻨـــــﻮﻥ

ﺷﺎﻥ ﺭﻳﺪة ﻣﺎ ﻛﺎﻥ ﺗﺴﺘﺤـــــﻖ ..

ﺃﺳﻠـــﻚ ﺩﻫﺎﻟﻴـــــﺰ ﺍﻟﻔﺮﺍﻕ

ﻭﺍﺳﺘـــﺄﻧﺲ ﺍﻟﻨﺴﻴـــــﺎﻥ ﺭﻓﻴـــــﻖ ..

ﺃﻏﻤﺲ ﺻﻮﺍﺑﻌﻚ ..

ﻓﻲ ﻣﺤﺎﺑﺮ ﺍﻟﻘﺴـــــﻮة ﺃﻛﺘﺐ ﻗﺼﺔ ﺍﻟﺠـــــﺮﺡ ﺍﻟﻌﻤﻴﻖ ..

ﻭﺍﺩﻱ ﺍﻟﻨﺠﻴﻤــﺎﺕ ﺍﻟﺒﺤـــــﺮﺳﻨــﻚ 

ﺇﺫﺍ ﻣﺎ ﺟـــــﻦ ﻟﻴﻞ ﻭﺟﻌﻚ .. ﺑﺮﻳـــــﻖ ..

ﻭﺍﻣﺸﻲ ﺍﻟﻄﺮﻳﻖ ﺍﻟﺒﺸﺘﻬﻴـــــﻚ ..

ﺃﺩﻱ ﺍﻟﺨﻄﺎﻭﻱ ﺍﻹﺣﺘﻤـــــﺎﻝ ..

ﻭاﺩﻱ ﺍﻟﺘﺼﺎﺭﻳﺢ ﻟﻲ ﻏﻴـــــﻮﻡ ﺍﻟﻔـــــﺮﺣـة ﺷﺎﻥ ﺗﺮﺟﻊ ﺗـــــﺮﺵ ..

ﺃﻫﻲ ﺩﻱ ﺍﻟﺸﻤﺶ ﻳﻮﻣﺎﺗﻲ

ﺗﻨﺴﺞ ﻓﻲ ﺍﻟﺼﺒﺎﺡ

ﻣﺎ ﺧﻴﺒـــــﺖ ﻇﻦ ﺍﻟﻐﺒـــــﺶ ..

ﻣﺶ ﻗﻠﺖ ﻟﻴـــــﻚ

ﻟﻮ ﻛﻨﺖ ﻣﺎ ﻗﺪﺭ ﺍﻟﻮﻋﻮﺩ

ﻓﻲ ﺩﻣــﻲ ﺍﻭﻋـــﺎﻙ ﻻ ﺗﺨـــــﺶ .. ؟!

ﻭﺍﻧﺎ ﻣﺎ ﺻﺪﻗﺘـــــﻚ ﺭﻳـــــﺪ ﻭﺷـــــﻮﻕ

ﺷﺎﻥ ﺍﻧﺖ ﻓﻲ ﺍﻵﺧـــــﺮ ﺗﻐـــــﺶ ..

ﺃﻧﺎ ﺫﺍﺗﻲ ﺑﺴﺘﺎﻫﻞ ﻋﺸﺎﻥ

ﺑﺎﺭﻳﺖ ﺍﺣﺴﺎﺳﻴﺴﻲ ﺍﻟﻄـــــﺮﺵ ..

ﺭﺩﺩﺕ ﻓﻲ ﺳـــــﺮﻱ ﺍﻟﻜﺒﻴـــــﺮ

ﻋﺸﻘـــــﻚ  

ﺗﺮﺍﺗﻴـــــﻠﻚ 

ﻏﻨﺎﻙ ..

ﻭﺣﻠﻤـــــﺖ ﺑﻴﻚ ..

ﻭﺩﻓﻘﺖ ﺑﻲ ﻛﺎﻣﻞ ﺭﺿﺎﻱ ..

ﻛﻞ ﺍﻟﻤﻮﺍﻋﻴـــــﻦ ﺍﻷﺑﺖ ﻣﺎ ﺗﺤﺘـــﻮﻳﻚ ..

ﺣﻔﻴـــــﺎﻧـة ﻓﻲ ﺷﻮﻛـــــﻚ ﻣﺸﻴﺖ

ﻭﺍﻟﺪﻧﻴﺎ ﺭﻣﺎﺿـة ﻭﻫﺠﻴـــــﺮ ..

ﺫﻟﻴﺘـــﻨﻲ ﺣﺪ ﻣﺎ ﻫـــــﺎﻥ ﻋﻠﻴﻚ

ﻋﻤـــــﺮ ﺍﺑﺘﺴﺎﻣﺎﺗﻲ ﺍﻟﻘﺼﻴـــــﺮ ..

ﺑﺲ ﻣـــــﺎ ﻋﻠﻴﻚ ..

ﺍﻧﺎ ﻋـــــﺎﻓﻴـة ﻟﻴﻚ ..

ﺷﻜـــــﺮﺍً  ﻛﺘﻴـــــﺮ ..

ﻻ ﻛﻨـــــﺖ ﺃﻭﻝ ﺭﻳـــــﺪة ﻟـــــﻲ

ﻻ ﺍﻧـــــﺖ حا  ﺗﻜـــــﻮﻥ ﺍﻷﺧـــــﻴﺮ ..

******
2013