مفترق

حميد سامعني ؟

ﻭﻭﺻﻠﻨﺎ ﻣﻔﺘﺮﻕ ﺍﻟﺤﻨﻴﻦ ..

ﻳﺎ ﺃﻣﺸﻲ ﻟﻴﻚ

ﻳﺎ ﺍﻣﺸﻲ ﺑﻴﻚ

ﻭﺍﻟﺸﺎﺭﻉ ﺍﻟﻔﺎﺗﺢ ﻋﻠﻴﻚ

ﻣﺮﺻﻮﻓـة ﺳﻜﺘﻮ ﺑﺎﻷﻧﻴﻦ ..

ﻭﺍﻧﺎ ﺯﻳﻲ ﺯﻱ ﻛﻞ ﺍﻟﺤﺰﺍﻧﻰ ﺍﻟﻤﺘﻌﺒﻴﻦ ..

ﺇﺧﺘﺮﺕ ﺃﺳﻠﻚ ﺳﻜﺘﻚ ..

ﻭاﻧﺪﻩ ﻋﻠﻴﻚ

ﻳﺎ ﻃﻴﺮ ﻫﻨﺎﻱ ﺍﻟﻤﺎﺑﻲ ﺟﻮﺍﻱ ﺭﻛﺘﻚ ..

ﻏﺮﺩ ﻗﺪﺭ ﺗﻨﻔـكَّ ﻣﺤﻨـة  ﻭﺗﻨﺘﺒﻪ ﻟﻴﻚ ﺍﻟﻐﺼﻮﻥ ﺍﻟﻔﻜﺘﻚ ..

ﻳﺎ ﺍﻟﻘﻠﺖ ﻟﻲ ﺭﻏﻢ ﺍﻟﻮﺟﻮﺩ ﺍﻟﻤﺎ ﺑﺠﻮﺩ

ﺭﻏﻢ ﺍﻟﻠﻴﺎﻟﻲ ﺍﻟﺒﻜﺘﻚ ..

ﺃﺻﺒﺮ ﻋﻠﻲ ﺍﻟﺒﻠﺪ ﺍﻟﻤﺼﻴﺮﺍ ﺗﻜﻮﻥ

ﺣﻼﻟﻚ ﻭﺣﻘﺘﻚ ..

ﺗﻠﻬﺐ ﻳﺪﻳﻨﺎ ﺍﻟﺼﻔﻘـة ﺣﻴﻦ ﻧﺴﻤﻊ ﺻﻬﻴﻠﻚ ﻓﻲ ﻟﻬﺎﺓ ﺍﻷﻏﻨﻴﺎﺕ ..

ﻳﺎ ﺷﻮﻗﻨﺎ ﻟﻠﺼﻮﺕ ﺍﻟﺒﻴﻄﻠﻊ ﻭﻳﻨﺘﺸﺮ ﻳﻤﻼ ﺍﻟﺠﻬﺎﺕ ..

ﻳﺎ ﺷﻮﻗﻨﺎ ﻟﻠﺮﻓﺾ ﺍﻟﺤﻴﺎة ﺍﻟﻮﺳﺨﺎﻧـة ﻭﺇﺧﺘﺎﺭ ﺍﻟﻤﻤﺎﺕ ..

ﻳﺎ ﺷﻮﻗﻨﺎ ﻟﻠﺮﻛﺰ ﺍﻟﺒﻠﺪ ﺑﻲ ﻧﻮﺭﺍ ﻳﻮﻡ ﺧﺬﻻ ﺍﻟﺜﺒﺎﺕ ..

ﻭﺍﻟﻌﺪﻯ ﻓﺎﺕ ..

ﻭﺍﻟﻠﻪ ﻣﺎ ﻗﺎﻳﻼﻭ ﺑﻔﻮﺕ ..

ﺟﺪﺭﺍﻥ ﻗﻠﻮﺑﻨﺎ ﺍﻟﺘﺸﺘﻬﻴﻚ ﻧﺎﻣﺖ ﻋﻠﻴﻬﺎ ﺍﻟﻌﻨﻜﺒﻮﺕ ..

ﺑﺎﺿﻦ ﺣﻤﺎﻣﺎﺕ ﺍﻟﻮﺟﻊ

ﻭﺍﺳﻤﻊ ﻣﻌﺎﻱ ﺣﺲ ﺍﻟﺒﻴﻮﺕ ..

ﺗﻨﺪﻩ ﻋﻠﻴﻚ

ﻳﺎ ﺍﻟﻀﻮ ﺗﻌﺎﻝ

ﻳﺎ ﺍﺑﻮ ﺍﻟﺮﺟﺎل 

ﻓﺎﻧﻮﺳﻚ ﺍﻟﻮﻟﻌﺘﻮ ﺑﻲ ﺯﻳﺖ ﺍﻟﻨﻀﺎﻝ

ﺟﻮﺍﻧﺎ ﻣﺎ ﺑﻐﺸﺎﻫﻮ ﻣﻮﺕ ..

ﻭﺍﻟﻠﻴﻠـة ﻣﺎ ﻳﻮﻡ ﺍﻟﺴﻜﻮﺕ ..

ﻳﺎ ﺭﻳﺖ ﺗﻌﻮﺩ ..

ﺍﻧﺎ ﻣﻨﻚ ﺇﺗﻌﻠﻤﺖ ﺃﺣﺰﻥ ﺑﻲ ﺻﻤﻮﺩ ..

ﻭﺍﻧﺎ ﻣﻨﻚ ﺇﺗﻌﻠﻤﺖ ﻣﺎ ﺃﺑﻜﻲ ﺍﻟﺒﻔﻮﺕ

ﺑﻲ ﻛﻴﻔﻮ ﻳﺘﺨﻄﻰ ﺍﻟﺤﺪﻭﺩ ..

ﻭﺍﻧﺎ ﺑﺮﺿﻮ ﺇﺗﻌﻠﻤﺖ ﻣﻦ ﻛﻞ ﺍﻟﺼﻌﺎﺏ ﺍﻟﻮﺍﺟﻬﻨﻚ ..

ﻭﺍﻟﻨﺠﻴﻤﺎﺕ ﺍﻟﻤﻌﺎﻫﻦ ﺳﻬﺮﻧﻨﻚ ..

ﻭﺍﻟﻌﻮﻳﻨﺎﺕ ﺍﻟﺒﺪﻭﻥ ﺗﻨﻄﻖ ﻗﺮﻧﻨﻚ ..

ﻭﺍﻟﻤﺸﺎﻭﻳﺮ ﺍﻟﺤﻨﻴﻨﺎﺕ ﺍﻟﻤﺸﻨﻚ ..

ﻭﺍﻟﻴﻤﺎﻣﺎﺕ ﺍﻟﺤﺒﻴﺒﺎﺕ ﺍﻟﺮﺟﻨﻚ ..

ﻓﺘﻬﻦ ﻣﺎ ﻏﺼﺐ ﻋﻨﻚ ..

ﺑﺲ ﻷﻧﻚ ..

ﺻﺎﻓﻲ ﻣﺎ ﺑﺘﺸﺒﻪ ﺯﻣﻨﻨﺎ ..

ﻭﻗﻠﺒﻚ ﺃﻭﺳﻊ ﻣﻦ ﻭﻃﻨﻨﺎ ..

ﻭﺭﺑﻲ ﻛﺎﻥ ﻋﻦ ﺣﺴﻦ ظنك ...


******