مرسال

ﻣﺪ ﺍﻳﺪﻙ

ﺗﻌﺎﻝ ﻧﺘﺴﺎﻟﻢ

ﺍﻟﺸﻤﺲ

ﺍﻟﺮﻓﺎﻕ

ﻭﺍﻟﺼﺤﺒـة ..

ﺭﺍﺟﻨﻚ

ﺗﻤﺎﻡ ﺍﻟﺠﻴـة

ﺑﺎﻟﺸﻮﻕ ﺍﻟﻮﺭﺍﻙ

ﻣﺎ ﻏَـبَّ ..

ﻣﺘﺴﺎﺋﻠﻴﻦ ﻋﻠﻴك ﻳﻮﻣﺎﺗﻲ

ﻳﺎ ﻣﻤﻴﻞ ﺟﻨﺎﺡ ﺃﻓﺮﺍﺣﻨﺎ

ﻛﻴﻔﻦ

ﺗﻨﺴﻨﺪ ﺑﺎﻟﻐﺮﺑـة .. ؟ !

ﻣﺎﻟﻚ ﻭﺍﻟﺒﻠﺪ ﺑﺘﻨﺎﺩﻱ

ﻳﺎ ﺍﻟﻔﻲ ﺧﻴﺮﺍ

ﻋﺎﺵ ﻭ ﺇﺗﺮﺑـَّى ..

ﻓﺎﻳﺘﺎ ﻭﻳﻦ  ؟

ﻣﻘﺒﻞ ﻏﺎﺩﻱ

ﻭﺟﻌﻚ ﻓﻲ ﺍﻟﻘﻠﺐ

ﻣﺎ ﺍﻧﻄـبَّ ..

ﻣﺎﻟﻚ ﻭﺍﻟﻤﺮﺍﻭﻳﺪ ﺗﻨﺤﺮ

ﺍﻟﻌﻴﻦ ﺍﻟﻤﻠﻴﺘﺎ ﻣﺤﺒـة ..

ﺑﻲ ﻛﺤﻞ ﺍﻟﻔﺮﺍﻕ

ﻭﺍﻟﻐﻴﺒـة

ﻭﺍﻟﺪﻣﻌـة ﺍﻷﺑﺖ

ﺗﺘﺨﺒَّﻰ ..

ﻳﺎ ﺻﻬﻠﺔ ﺧﻴﻮﻝ ﺍﻟﻔﻜﺮة ..

ﻋﺎﺭﻓﺎﻙ

ﺍﻟﺸﻮﺍﺭﻉ ﺍﻟﺤﺮة

ﺷﺎﻳﻼﻙ ﺍﻟﺒﻴﻮﺕ

ﺑﺎﻟﻔﻄﺮة ..

ﻣﺎ ﻏﺎﺏ اﺷﺘﻬﺎﻙ

ﻋﻦ ﺑﺎﻻ

ﻳﺎ ﺭﻭﺍﻕ ﺑﺤﻮﺭﺍ ﺍﻟﻌﻜﺮة ..

ﻓﺎﻗﺪﺍﻙ

ﻳﺎ ﺍﻟﺮﻓﻴﻖ ﺍﻟﻮﺍﻓﻲ

ﻣﺎﻟﻚ

ﻫﺴﻪ ﻓﻴﻨﺎ ﻭﻣﺎﻓﻲ

ﻃﺎﻟﻖ ﻓﻴﻨﺎ ﻧﺎﺭ ﺍﻟﺬﻛﺮﻯ ..

ﻣﺎ ﻣﺠﺒﻮﺭ

ﺗﻠﻮﻟﻲ ﻗﻠﻮﺑﻨﺎ

ﻟﻜﻦ ﺍﻟﻘﻠﻮﺏ ﻣﻨﺠﺒﺮة ..

ﺗﻄﺮﺍﻙ

ﻭﺍﻟﻌﻴﻮﻥ ﻣﺎ ﺑﺘﻨﺴﻰ

ﺁﻫﻴﻦ ﻳﺎ ﺟﺮﺡ ﻣﺎ ﺑﺒﺮﻯ ..

ﺭﺍﻭﺩﻧﺎ ﺍﻟﻐﻤﺎﻡ ﻋﻦ ﻣﻄﺮﻭ

ﺇﺳﺘﻌﺼﻢ

ﻭﺍﺑﺎﻫﺎ ﺍﻟﺮﺷـة ..

ﻓﺮﺗﻘﻨﺎ ﺍﻟﻀﻔﻴﺮة ﺍﻟﻨﺎﻋﺴـة

ﻣﻦ ﺷَﻌَﺮ ﺍﻟﻠﻴﺎﻟﻲ ﺍﻟﻐﺒﺸـة ..

ﻓﺘﺸﻨﺎﻙ

ﻣﺤﻠـة ﻣﺤﻠـة

ﻓﻲ ﺍﻟﻮﺟﻊ ﺍﻟﻠِّـى ﻔﻴﻨﺎ ﺍﺗﻔﺸﻰ ..

ﺭﺳﻠﻨﺎﻟﻚ ﺃﻟﻒ ﻳﻤﺎﻣـة

ﻳﻤﻜﻦ ﺑﺎﻟﺒﻴﺎﺽ ﺗﻨﻐـشَّ ..

ﺗﺮﺟﻊ

ﻭﺍﻷﻣﺎﺳﻲ ﺗﻐﻨِّﻲ

ﺭﺍﺟﻴﺎﻙ ﺍﻟﻌﻴﻮﻥ ﺑﺘﻤﻨِّﻲ

ﻭﺍﻟﺸﻮﻑ ﺍﻟﻌﻠﻴﻬﻦ

ﻃـشَّ ..

ﻳﺎ ﻛﺎﻭﻱ ﺍﻟﻘﻠﻮﺏ

ﺑﺎﻟﻐﻴﺒـة

ﺃﻣﺮﻕ ﻣﻦ ﺳﻜﺎﺗﻚ

ﻣﺮة

ﻭﺍﻭﻋﺎﻙ

ﺑﺎﻟﺤﺼﻞ ﺗﻨﻐـشَّ ..

ﺑﻠﺪﻙ ﻳﺎ ﺍﻟﺘﺮﻛﺘﻮ ﺃﻧﺼﺮَّ

ﻭﺍﺗﻘﺴَّﻢ ﻋﻠﻴﻨﺎ ﻭﺣَـرَّ

ﺑﺎﻋَﻨُّـﻮ ﺍﻟﻀﻤﺎﻳﺮ ﺍﻟﻬﺸـة ..

ﺑَﻌَﺪَﻙ

ﻓﻲ ﺍﻟﺤﻘﻴﻘـة ﻓﺘﺮﻧﺎ

ﺣﺎﺣﻴﻨﺎ ﺍﻟﻴﺒﺎﺱ

ﻭﺻﺒﺮﻧﺎ

ﺣﺎﺣﺘﻨﺎ ﺍﻟﺒﻠﺪ ﺑﺎﻟﻜَﺸـة ..

ﻃَﺒَﻘَﺖ ﻓﻴﻨﺎ ﻣﻴﺔ ﻭﺟﻌـة

ﺯﺍﺩﺕ ﻓﻴﻨﺎ ﺷﻮﻕ ﻟﻠﻨﺠﻌـة

ﺯﻱ ﺷﻮﻕ ﺍﻟﻐﺮﻳﻖ ﻟﻠﻘﺸـة ..

ﺑﺲ ﻭﺍﻟﻠﻪ

ﻧﺤﻦ ﻗﻌﺪﻧﺎ ﻗﻠﻨﺎ اﻳﺎﻫﺎ

ﺑﺮﺿﻮ ﺑﻠﺪﻧﺎ

ﻭﺍﻟﻮﺟﻊ ﺍﻟﻤﺤﺎﻝ

ﻳﺘﻔـشَّ ..

ﻫﺴﻊ ﻳﺎ ﺭﻓﻴﻖ ﺍﻭﺟﺎﻋﻲ

ﻣﺎ ﺩﺍﻋﻲ

ﺍﻟﻄﺸﺎﺵ ﻭﺍﻟﺤﻴﺮة .. ؟ !

ﻳﺎ ﺻﻨﺪﻝ ﺣﺮﻭﻓﻨﺎ ﺍﻟﺒﺎﻛﻴـة

ﻳﺎ ﻓﺮﺣﺔ ﻏﻨﺎﻭﻱ ﺍﻟﺴﻴﺮة ..

ﻧﺸﻔﺎﻥ ﺭﻳﻖ ﺟﺮﻭﻓﻨﺎ ﺃﻇﻨﻮ

ﻭﺍﻟﻨﻴﻞ ﺍﻟﺒﺘﺴﺄﻝ ﻋﻨﻮ

ﻣﺸﻠﻮﻝ

ﺑﺎﻗﻲ ﺣﺎﻟﺘﻮ ﺧﻄﻴﺮة ..

ﺑﺲ ﺭﻏﻢ ﺍﻟﺤﺼﻞ ﻭﺍﻟﺤﺎﺻﻞ

ﺃﺭﺟﻊ

ﺷﺎﻥ ﺗﺮﺟِّﻊ ﺧﻴﺮﺍ ..

ﻳﺎ ﺃﻣﻞ ﺍﻟﺼﻐﺎﺭ

ﻭﺍﻟﺒﻜﺮة

ﺑﻠﺪﻙ ﺃﻭﻟﻰ ﺑﻴﻚ

ﻣﻦ ﻏﻴﺮﺍ


*****