جرح الحراز

أﺑﻴﺾ

ﺟﺒﻴﻨﻚ ﻋﺎﻟﻲ

ﻣﺎ ﻧﻜﺴﺘﻮ ﻟﻲ ﺯﻳﻒ ﺍﻭ ﻋﺒﻂ  ..

فاضيات ﺟﻴوبـﻚ ﺩﻳﻤـة ﻣﻦ ﻗﺮﺵ ﺍﻟﻨﻔﺎﻕ

ﻗﺎﺻﺮﺍﺕ ﺧﻄﺎﻭﻳﻚ ﻣﺎ ﺑﺘﻤﺶ

ﻓﻲ ﺳﻜﺔ ﻫﺎﺩﻧﺖ ﺍﻟﻐﻠﻂ  ..

ﻛﻞ ﺍﻟﺸﻮﺍﺭﻉ ﻭﺍﻟﺒﻴﻮﺕ

ﺍﻟﻤﺎﻳﻠـة ﺗﻨﺪﻫﻠﻚ ﺗﻌﺎﻝ

ﺗﺒﻨﻴﻬﺎ ﺑﺎﻟﻌﺮﻕ ﺍﻟﺤﻼﻝ ..

ﺑﺎﻟﺒﻴﻨﺎ ﻭﺍﻟﺒﻴﻨﻚ ﺭﺑﻂ ..

ﻳﺎ ﻳﺎﻓﻊ ﺍﻟﺪﻣﻌـة

ﻭﺷﻔﻴﻒ ﺍﻟﻠﻮﻥ ﺍﻗﻴﻒ

ﺍﻛﺘﺐ ﻋﻠﻲ ﻛﻞ ﺍﻟﺘﻮﺍﺭﻳﺦ ﺗﺤﻔﻈﻚ

ﻭﺭِّﻱ ﺍﻟﻤﺤﻄﺎﺕ

ﺍﻟﻘﻄﺎﺭﺍﺕ

ﺍﻟﻤﻄﺎﺭﺍﺕ

ﺍﻟﻤﺴﺎﺭﺍﺕ

ﺍﻟﺤِـَــﻴﻂ ..

ﺑــــــﻜﺮة ﺍﻟﻮﺻــــــﻮﻝ ..

ﺃﺳﺄﻝ ﺻﺤﺎﺭﻱ ﺍﻟﻤﺎﺿﻲ ﻋﻦ ﺳﺒﺐ ﺍﻟﺠﻔﺎﻑ ،

ﺍﻟﺮﺟﻔـة ،

ﻭﺍﻟﻔﺮﺡ ﺍﻟﻌﺠﻮﻝ ..

ﺍﻟﻐﻴﻤـة ﻣﻔــــﺘﺎﺡ ﺍﻟﻤﻄﺮ

ﺳﻨﺎﺭﺓ ﺍﻟﺒﺤﺮ ﺍﻟﺒيصطاد ﺍﻟﻬﻄﻮﻝ ..

وﺍﺳﺄﻝ ﺣﺮﺍﺯﻙ ﻳﺎ ﻭﺣﻴﺪ

ﻣﻦ ﺷﺎﺳﻊ ﺍﻟﻮﺟﻊ ﺍﻟﻤﺤﻞ ﺗﻘﺼﺮ ﻣﺤﻄﺎﺗﻚ ﻳﻄﻮﻝ ..

ﻣﻴﻦ ﻋﻠﻤّﻚ ﺗﺮﻓﻊ ﺟﺒﻴﻨﻚ ﻋﺎﻟﻲ ﺑﻲ ﺭﻏﻢ ﺍﻟﺒﺤﺮ ،

ﻭﺍﻟﻨﻴﻞ ،

ﻭﺍﺩﻟﺠﺔ ﺍﻟﻔﺼﻮﻝ ..

ﻣﻴﻦ ﺍﻗﻨﻌﻚ إﻧﻮ ﺍﻟﺠﻔﺎﻑ

ﻭﺍﻟﻮﺣﺪة

ﻭﺍﻧﻤﺎﻁ ﺍﻟﻴﺒﺎﺱ

ﻭﺍﻟﺸﻮﻙ

ﻭﺣﺘﺤﺘﺔ ﺍﻟﺼﻔﻖ ،

ﺷــــــــــﺪة   وﺗــــــــــﺰﻭﻝ ..؟

ﻣﻴﻦ ﺍﻟﺮﻓﻊ ﺳﻘﻒ ﺍﺣﺘﻤﺎﻟﻚ ﻟﻠﺴﻤﺎ ؟ !

ﻳﺎ ﻣﻨﺴﻲ ﻓﻲ ﺟﻮﻑ ﺍﻟﺮﻳﺎﺡ ،

ﻋﺰ ﺍﻟﺠﺮﺍﺡ ،

ﻧﺺ ﺍﻟﻠﻴﺎﻟﻲ ﺍﻟﻘﺎﺗﻤـة ..

ﻣﻴﻦ ﻛﻠﻤﺎ ﺷﺎﺭﻑ ﻳﺒﺎﺳﻚ ﻋﻠَّﻤﻚ

إﻧﻮ ﺍﻟﺼَّﺒُﺮ ﻫﻮ ﺍﻟﺒﺸﺒﻬﻚ ؟

ﻭﺍﻧﻮ ﺍﻟﺒﺪﺍﻳﺎﺕ ﻗﺪ ﺗﻘﻮﺩ ﻟﻠﺨﺎﺗﻤـة ..؟

ﻭﺍﻧﻮ ﺍﻟﻄﺮﻳﻖ

ﻣﻜﺘﻮﺏ ﻋﻠﻲ ﺻﻔﺤﺔ ﺟﺒﻴﻨﻚ

ﻣﻤﺸﻲ ﻟﻲ ﺁﺧﺮ ﺭﻣﻖ ..؟

ﻳﺎ ﺑﺎﻛﻲ ﻣﻦ ﺟﺮﺡ ﺍﻟﺼﺒﺎﺡ

ﺍﻟﻤﻄﺮة ﺗﻌﺮﻳﺔ ﺍﻟﺮﻳﺎﺡ !

ﺍﻟﺠﺎﺭﺣـة ﺻﺒﺮﻙ ﺑﺎﻟﻘﻠﻖ ..

ﻛﻴﻔﻦ ﻗِـﺪِﺭْﺕ ﻋﻠﻲ ﺭﺣﻴﻞ ﺍﻟﻀﻮ ﻣﻊ ﺁﺧﺮ ﺷﻔﻖ ..؟

ﺍﻭ ﻛﻴﻒ ﻗﺪﺭﺕ ﺗـــــﻨﻭّﻡ ﺍﺣﺰﺍﻥ ﺍﻟﺒﺠﻮﻙ ﻃﺎﻟﺒﻴﻦ ﻣﻮﺍﺳﺎﺗﻚ ؟

ﻣﻊ ﺍﻧﻚ

ﻣﻮﺳَّــــــﻢ ﺑﺎﻷﺭﻕ ..!

ﺑﺎﻟﺤﺴﺮة

ﻭﺍﻟﺸﺠﻦ ﺍﻷﻟﻴﻢ

ﺑﺎﻟﺪﻣﻌـة

نقّاط ﺍﻟﻌﺮﻕ ..

ﻳﺎ ﻭﺍﻓﻲ ﺑﻲ ﺭﻏﻢ ﺍﻟﻌﻠﻴﻚ

ﻣﻦ ﺟﻮﻑ ﻣﻌﺎﻧﺎﺗﻚ

ﻣَﺮَﻕ ..

ﺁﺧﺮ ﺣﺮﻑ ﻳﻔﺘﺢ ﻣﺴﺎﻡ ﺍﻟﺪﻫﺸـة ﻓﻲ ﺟﻠﺪ ﺍﻟﻮﺭﻕ ..

ﺍﻳﻪ ﺍﻟﻔﻀﻞ

ﻣﻨﻚ ﺑﻌﺪ ﺩﺧﻞ ﺍﻟﻤﻄﺮ

ﻣﻦ ﺑﺎﺏ ﺍﺳﺎﻙ ..؟

ﺍﺗﺠﻤّﻊ ﺍﻟﻐﻴﻢ ﺣﺎﺻﺮﻙ

ﻓﻲ ﺳﻜـة ﻏﺪﺭﺕ ﺑﻲ ﺧﻄﺎﻙ ..

ﺭﺣﻤـــــﺎﻙ -

ﻳﺎ ﺯﻣﻦ ﺍﻷﺳﻰ ﺍﻟﻼ ﺿﻮ ﻭﻻ ﺭﻗﺮﺍﻕ ﻣﻌﺎﻙ ..

ﻻ ﺃﻗﺴﻰ ﻣﻦ ﺣﻜﻢ ﺍﻟﻘﺪﺭ

ﻭﻛﺘﻴﻦ ﻳﺤﺎﺻﺮﻙ ﺑﺎﻟﻤﻄﺮ

ﻳﺎ ﺗﺤﻨﻲ ﺭﺍﺳﻚ ﻟﻠﺒﺤﺮ

ﻳﺎ ﺗﺒﻘﻰ ﻓﻲ ﺍﻻﺧﺮ ﺑﺮﺍﻙ ..

ﺻﺒﺮﺍً ﺣﺮﺍﺯﻱ ﻋﻠﻲ ﺍﻟﻬﻼﻙ ..



****

15 ﻳﻮﻧﻴﻮ، 2014