صاحب القميص

ﻭﺍﻋﺪﻧﺎ ﻳﻮﺳﻒ  ﻧﻨﺘﻈﺮ

ﺭﻏﻢ ﺍﻟﻤﻼﻣﺎﺕ ﻭﺍﻟﻈﻨﻮﻥ

ﻭﺍﻟﺠﺎﻱ ﺃﺑﻘﻰ ﻣن ﺍﻟﻠﻲ ﻓﺎﺕ ..

ﺑﺎﻛﺮﻧﺎ ﻣﻦ ﻫﻢ ﻳﻨﺤﺴﺮ

ﻣﺎ ﺑﻴﻨﻲ ﺑﻴﻨﻚ ﻛﻢ ﺟﺴﺮ

ﻓﻮﻕ ﻧﻴﻞ ﻣﺘﺴﺐ ﺍﻣﻨﻴﺎﺕ ..

ﻳﺎ ﺷﺮﻗﺔ ﺍﻟﻀﻮ ﻓﻲ ﻭﻃﻦ

ﻋﺎﺵ ﻓﻲ ﺿﻼﻡ ﺍﻟﺬﻛﺮﻳﺎﺕ ..

ﻳﻮﺳﻔﻨﺎ ﺟﺎﻱ ﻣﻦ ﺍﻟﺸﺠﺮ

ﺗﻤﺮﺍﺕ ﺗﺴﺪ ﺭﻣﻖ ﺍﻟﺠﻴﺎﻉ ..

ﻳﻮﺳﻔﻨﺎ ﺣﻴﻦ ﻳﻨﺰﻝ ﻣﻄﺮ

ﻳﺘﻤﺪ ﻓﻲ ﻛﻞ ﺍﻟﺒﻘﺎﻉ ..

ﺍﻳﺪﻳﻨﻮ ﻟﻸﻳﺎﻡ ﺳﻼﻡ

ﻃﻔﺎﻳـة ﻟﻲ ﻧﺎﺭ ﺍﻟﺼﺮﺍﻉ ..

ﻋﻴﻨﻴﻬﻮ ﻟﻠﻌﺎﺑﺮﻳﻦ ﺩﻟﻴﻞ

ﻧﺠﺎﻳـة ﻣﻦ ﺩﺭﺏ ﺍﻟﻀﻴﺎﻉ ..

ﻳﻮﺳﻔﻨﺎ

ﻧﺤـنا ﻧﻜﻮﻥ ﺑﻌﺾ

ﺍﻳﺪﻳﻦ ﺗﺼﻔﻖ ﻟﻠﻔﺮﺡ ..

ﺑﺮﻗﻴﻦ ﻧﺸﻖ ﺟﻮﻑ ﺍﻟﺴﻤﺎ

ﻭﺑﺎﺏ ﺍﺑﺘﺴﺎﻣﺎﺕ ﺍﻧﻔﺘﺢ ..

ﻻ ﺑﻴﻨﻲ ﻻ ﺑﻴﻨﻚ ﺳﺮﺍﺏ ..

ﻳﻮﺳﻔﻨﺎ أﻗﻮﻯ ﻣﻦ ﺍﻟﻐﻴﺎﺏ ..

ﻭﻛﺘﻴﻦ ﺗﺴﺪ ﻃﺎﻗﺎﺕ ﺭﺟﻮﻉ

ﺍﻧﺎ ﻟﻴﻚ ﺑﻔﺘِّﺢ ﺃﻟﻒ ﺑﺎﺏ ..

ﻳﺘﺮﺍقص ﺍﻟﻨﺪﻯ ﻭﺍﻟﻔﺮﺍﺵ

ﻳﺘﻘﺎﻟﺪ ﺍﻟﻐﻴﻢ ﻭﺍﻟﺘﺮﺍﺏ ..

ﺑﻴﻨﺎﺗﻨﺎ ﻳﻤﺘﺪ ﺍﻟﺴﻤﺎﺡ

ﻣﻦ ﺭﻭﺣﻲ ﺑﺨﻠﻘﻠﻚ ﻋﺬﺭ ..

ﻛﻞ ﺍﻟﻮﻓﺎ ﺍﻟﻤﺎﻟﻴﻨﻲ ﻟﻴﻚ

ﺩﻓَّﻖ ﻋَﻠَﻲْ أﻧﺒﻞ ﺻﺒﺮ ..

ﻳﺎ  ﻛﻞ زﻏﺎﺭﻳﺪ ﺍﻟﺒﻴﻮﺕ

ﺍﻟﻘﺎﺟـَّة ﺑﻲ ﺟﻴﺘﻚ ﻓﺠﺮ ..

ﻳﺎ ﻭﺍﺣــﺪﺍً ﻓﻲ ﺍﻟﺮﻭﺡ ﻋﺸــﻖ

ﻣﻴﻌﺎﺩﻧﺎ ﻋﻨﻨﺎ ﻣﺎ ﺳﻬـــﻰ ..

ﻗﻮﻝ ﻟﻠﻤﻮﺍﺟﻴﺪ ﺍﻟﻤﻌﺎﻙ

ﺃﻫﻲ ﺩﻱ ﺍﻟﺤﺒﻴﺒـة ﺍﻟﺒﺸــــﺒﻬﺎ ..

ﻭﻭﺭﻳﻬﻢ ﺍﻧﻨﺎ ﺯﻱ ﺑﻌﺾ

ﻓﻲ ﺍﻟﺮﻳﺪة   ﻭالصدق ،  البها  ..

ويا ﺟـُــﺐ ﻋﻠﻴﻚ ﻳﻮﺳﻒ ﻛﻔﺎﻙ ..

ﺿﻤﻴﺘﻮ ﻣﻦ ﻏﺎﺑﺮ ﺍﻟﺴﻨﻴﻦ .. 

ﻳﻮﻡ ﺍﻧﻬﺘﻚ ﺩﻟﻮﻱ ﺍﻟﻬﻨﺎﻙ ..

ﻣﺎ ﻏﻄﻰ ﻋﻴﻨﻲَّ ﺍﻟﻀﻼﻡ

ﻻ ﻣَﻠَّﺖ ﺍﺷﻮﺍﻗﻲ ﺍﻟﺤﺮﺍﻙ ..

ﻻ ﻓُﺖَّ ﻭﺍﺗﻨﺎﺳﻴﺘﻮ ﻳﻮﻡ

ﻻ ﺑﻌﺘﻮ ﺑﻲ ﺗﻤﻦ ﺍﻟﻬﻼﻙ ..

ﻳﻮﺳﻒ ﺑَﻤِﺪ ﺍﻳﺪﻳﻨﻲ ﻟﻴﻚ

ﻭﺍﺩﻳﻨﻲ ﻣﻦ ﻭﻫﺠﻚ ﺑﺼـــﻴﺺ ..

ﻳﺘﺠﺮتقـﻦ ﺑﻴﻚ ﺍﻟﻮﺭﻭﺩ

ﺍﺟﺪﻉ ﻋﻠﻴﻬن ﻘﺮﻣﺼــﻴﺺ ..

ﻛﻞ ﺍﻟﻌﻮﺍﻟﻢ ﺿﺎﺟـة ﺷﻮﻕ

ﻭﺍﻟﻘﻤﺮﻩ ﺭﺍﻗﺼـة ﺣﻼﺕ ﺭﻗﻴﺺ ..!

ﺍﻳﺪﻳﻨﺎ ﻓﻮﻕ ﺍﻳﺪﻳﻦ ﺑﻌـــﺾ

ﺿﺪ ﺍﻟﺰﻣﺎﻧﺎﺕ ﺍﻟﻤـــﺮﺽ

ﺃﻧـا وﺍﻧــــﺖ يا صاحب القميص ..


******