نزيف آخر جروح مارس

ﺳﻨﺎﺑﻠﻚ ﺑﺘَّـﻘَّـﺖ ﺑﺎﻟﺤﻴﻞ

ﺑﻌﺪ ﻓﺮﺡ ﺍﻟﻤﻮﺍﺳﻢ ﻓﺎﺕ ..

ﺑﻌﺪ ﺳﻜﻦ ﺍﻟﻨﻮﺍﺻﻲ ﺭﺣﻴﻞ

ﺑﻌﺪ ﺷﻬﻖ ﺍﻟﺒﻠﺪ ﺁﻫﺎﺕ ..

ﻣﺮﻗﺖ ﻋﻠﻴﻨﺎ ﺯﻱ ﺍﻟﻨﻴﻞ

ﻣﺪﻓﻖ ﺧﻴﺮ ﻣﺮﺍﻛﺒﻚ ﺟﺎﺕ ..

ﺍﺫﺍ ﻓﻲ ﻓﺪ ﻛﻠﻴﻤﺔ ﺷﻮﻕ

ﻛﺸﺤﺖ ﻋﻠﻴﻨﺎ ﺻﺪﻕ ﺍﻟﺬﺍﺕ ..

ﺷﻨﻮ ﺍﻟﺨﻠﻴﺘﻮ ﻟﻠﺠﺎﻳﺎﺕ !؟..

ﻣﺼﺮﺕ ﺍﻟﻄﻴﻦ

ﻭﻗﻊ ﻣﻦ ﻛﺒﺮﻳﺎﺀ ﻭﺑﺤﺮ

ﻟﻤﻊ ﻧﺠﻢ ﺍﻧﺪﻫﺎﺵ ﻓﻲ ﺍﻟﺤﺎﻝ ..

ﺷﻐﻞ ﺑﺎﻝ ﺍﻟﻌﺼﺎﻓﻴﺮ ﺍﻟﻤﻼﻧـة ﻭﻫﻦ

ﻣﺴﺘﻔـة ﺷﻨﻄﺔ ﺍﻟﺘﺮﺣﺎﻝ ..

ﻣﻔﺘﻘـة ﺭﻳﻘﺎ ﺑﻲ ﻇﻦ ﺍﻟﺼﺒﺎﺡ ﺍﻟﺨﻴﺮ

ﻧﻐﻢ ﻣﻨﺴﺎﺏ

ﻃﺮﺍﻭة ﻛﻤﺎ ﺍﺭﺗﻴﺎﺡ ﺍﻟﺮﻭﺡ

ﺑﻌﺪ ﺭﻫﻖ ﺍﻟﻤﺴﺎﺳﻘـة ﻓﻲ ﺷﻮﺍﻃﻲ ﺍﻟﻔﺎﻝ ..

ﺯﻣﻦ ﻗﺪﺭ اﻳﺶ ؟

ﻧﺬﺭﺕ ﺟﻮﺍﺑﻲ ﻟﻠﻤﺎﻓﻴﺶ

ﺩﻟﻘﺖ ﻋﻠﻴﻚ ﺩﻭﺍﻳﺎﺕ ﺍﻟﻜﺘﺎﺑـة ﺳﺆﺍﻝ ..

ﻣﺮﻕ ﺷﻮﻗﻚ ﺧﻔﻴﻒ ﺍﻟﺒﺎﻝ ..

ﻣﺮﻕ ﻣﻨﻲ ﺍﻟﻜﻼﻡ ﻳﺎﺑﺲ ..

ﻣﻐﺒﺮ ﺑﺎﻷﺳﻰ ﺍﻟﻤﺸﺠﻮﻥ

ﻋﻠﻲ ﻭﺷﻮ ﺍﻟﻀﻼﻡ ﻛﺎﺑﺲ ..

ﺭﺑﻴﻌﻚ ﻭ ﺍﻟﻌﺸﻢ ﻣﻌﺘﻞ

ﻣﻮﻗـــﺖ ﺑﻲ ﺯﻣﻦ ﻣﺨﺘﻞ

ﻓﻴﺎ ﺩﺍﺭﺓ ﺍﻟﻮﺟﺎﻳﻊ ﻫﻞ

ﺑﻬﺰ ﺑﻲ ﻓﻮﻕ ﻏﻨﺎﻱ ﻓﺎﺭﺱ ؟

ﻭﻻ ﻓﺮﻗﺖ

ﺑﻌﺪ ﻭﺳﻢ ﺍﻟﺮﺣﻴﻞ ﻣﺎﺭَﺱ ﻟﺒﺴﻨﺎ ﺳﻮﺍﺩ ..

ﻣﺴﺎﻓﺮﻳﻦ ﻓﻲ ﻃﺮﻳﻖ ﺑﺎﻛﺮ

ﺣﺰﺍﻧَﻰ ﺑﻼ ﺻﺒﺮ ﻻ ﺯﺍﺩ ..

ﺗﻌﺎﺑَﻰ ﻣﻐﺒﺸﺎﺕ ﻋﻴﻨﻴﻨﺎ

ﻧﺎﺭ ﻣﺸﺒﻮﺑـة ﺗﺤﺮﻕ ﻓﻴﻨﺎ

ﻳﺎ ﺍﻟﻨﺨﻞ ﺍﻟﻨﻬﺰﻭ ﻋﻠﻴﻨﺎ

ﻳﺮﻣـــﻲ ﺑﻼﺩ ..

ﻭﻳﺎ ﺍﻟﺮﺣﻂ ﺍﻟﻤﻠﻔﺢ

ﻓﻲ ﺟﺰﺍﻳﺮ ﺍﻟﺮﻭﺡ

ﺗﻮﺍﺭﻳﺦ ﺗﺤﻔﻆ ﺍﻟﻤﻴﻌﺎﺩ ..

ﻭﺭﺍﻙ ﻳﺎﻟﻐﺎﻟﻲ

ﺿﺮﻋﺎﺕ ﺍﻟﺒﻠﺪ ﺿﺎﻣﺮﺍﺕ ..

ﻭﺭﺍﻙ ﻗﻄــﻦ ﻣﻨﺎﺑﻊ ﺍﻟﻔﻜﺮة

ﻳﺎ ﺿﻮ ﺍﻟﻘﺒﻴﻠـة ﺍﻟﻔﺎﺕ ..

ﻭﺭﺍﻙ ﺷﻌﺐ ﺍﻟﻴﻘﺎﻥ ﻣﺎﻟﻦ

ﻋﻠﻲ ﺍﻟﺤﻴﻞ ﺍﻟﻮﻻ ﺑﻘﺪﺭ

ﻳﺸﻴﻞ ﺁﻫﺎﺕ ..

ﻭﺭﺍﻙ ﻳﺎ ﻧﻴــــــﻞ ﺷﺮﺑﻨﺎ ﺟﻔﺎﻑ ..

ﺩﺧﻠﻨﺎ ﻋﻠﻲ ﺍﻟﻜﻼﻡ ﺍﻟﺰﻳﻦ

ﻣﺮﺍﻛﺐ ﻳﺸﺘﻬﻴﻬﺎ ﺍﻟﻤﻮﺝ

ﻣﺮﻗﺘﻨﺎ ﻣﻦ ﺿﻔﻮﺭﻧﺎ ﺧﻔﺎﻑ ..

ﻧﺸﺨﺒﺖ ﻧﻮﺭﻙ ﺍﻟﻤﺘﺮﻭﻙ

ﻋﻠﻲ ﻛﻴﻒ ﺍﺷﺘﻬﺎﺀ ﺍﻟﺮﻭﺡ

ﻋﻴﻮﻧﻚ ﻭ ﺍﻟﻘﺼﺎﻳﺪ ﺑﻮﺡ

ﻣﻨﺎﺑﺮ ﺗﺸﺘﻬﻴﻬﺎ ﺿﻔﺎﻑ ..

ﺯﺭﻋﻨﺎﻙ ﻓﻲ ﺍﻟﻘﻠﻮﺏ ﺍﻟﺼﺎﺩﻗـة

ﺑﺘَّـــﻖ ﺷﺘﻠﻚ ﺍﻟﻤﺒﺮﻭﻙ

ﻧﺨﻴﻞ ﺍﺿﻌــاﻑ ..

ﻭﻓﺎﺡ ﻓﻲ ﺍﻻﺭﺽ ﻃﻴﺐ ﺍﺻﻠﻚ

ﻓﻴﺎ ﺍﻟﺸﺎﻳﻘﻨﺎ ﻛﻴﻒ ﻭﺻﻠﻚ

ﻭﺍﻣﺎﻧﻴﻨﺎ ﺍﻟﺒﻼﻙ ﻳﺎ ﻏﺎﻟﻲ ﺻﺒﺤﻮ ﻋﺠﺎﻑ ..

ﺟﺮﻭﺡ ﻓﻲ ﺍﻟﺮﻭﺡ ﺑﻌﺪ ﻗﺪﻟﺔ ﺧﻄﺎﻙ ﻏﺎﺭﻥ ..

ﺑﻼﺩﻙ ﺳﻮﻕ ..

ﺧﺼﺎﻳﻠﻚ ﻭ ﺍﻟﻨﻔﻮﺱ ﺍﻟﻄﻴﺒـة ﺑﻌﺪﻙ ﻳﺎ ﺍﻟﻌﺰﻳﺰ ﺑﺎﺭﻥ ..

ﻭﻻ ﺑﺎﺭﻥ ﺩﺭﻭﺏ ﺍﻟﺼﻲ ﻭﻛﺖ ﺳﺎﺭﻥ ..

ﻏﻨﺎﻭﻳﻚ ﻓﻲ ﺍﻟﻔﻀﺎ ﺍﻟﻤﻤﺘﺪ ..

ﺑﺸﺎﻳﺮ ﻣﺎ ﺑﻴﺤﺪﻫﺎ ﺣﺪ ..

ﻋﻠﻲ ﺍﻟﺮﺍﺟﻴﻜﺎ ﻳﺘﺠﺎﺭﻥ ..

ﻳﺴﺎﺑﻘﻦ ﺧﺎﻃﺮ ﺍﻟﻠﻬﻔـة  ﻭﻳﻤﺪﻥ ﻭﻫﺠﻚ ﺍﻟﻤﺸﺮﻭﻉ ..

ﻳﺸﺎﻏﻠﻦ ﻓﻲ ﺑﻨﺎﺕ ﺍﻟﻔﻜﺮﻩ ﻳﻨﺠﺪﻥ ﺍﻟﺠﻨﻰ ﺍﻟﻤﻔﺰﻭﻉ ..

ﻳﺘﺒﺘﺒﻦ ﺍﻟﻌﺸﻢ ﻟﻮ ﻗﺎﻡ ﻳﺤﺎﺭﺏ ﺑﺎﻷﻣﺎﻧﻲ ﺍﻟﺠﻮﻉ ..

ﻳﻤﺪﻥ ﻣﻦ ﺷﺪﺭﺓ ﺍﻟﺨﻴﺮ ﻋﻠﻲ ﺍﻟﻄﻴﺮ ﺍﻟﺒﻴﻮﺗﻮ ﻓﺮﻭﻉ ..

ﻋَﻠَـيْ ﺍﺗﻜﺎﻟﺒﻦ أﺣﺰﺍﻥ ..

ﺩﻣﻮﻉ ﻓﻲ ﺍﻳﺪﺍ ﺳﺎﻳﻘـة ﺩﻣﻮﻉ ..

ﻓﻴﺎ ﺣﻤﻴﺪ ﺍﺑﻮﻱ ﺫﻛﺮﺍﻙ

ﺣﺪﺍﻳﻖ ﺫﺍﺧﺮة ﺑﻲ ﺧﻴﺮﻙ ..

ﻭﻻ ﺣﺎﺩﻥ ﺧﻄﺎﻙ ﻋﻦ ﺣﻖ

ﻭﻻ ﻣﺎﻟﻦ ﺗﻌﺎﺑﻴﺮﻙ ..

ﺯﻣﻦ ﻳﺎ ﺻﺎﺩﻕ ﺍﻟﻌﻴﻨﻴﻦ

ﻧﺬﺭﺕ ﺍﻓﻮﺕ ﻣﺸﺎﻭﻳﺮﻙ ..

ﻓﻴﺎ ﻳﻮﺳﻒ ﺭﺟﺎﻱ ﺍﻟﺠﺎﻱ

ﺑﺮﻏﻢ ﺍﻟﺠﺎﻧﻲ ﻣﻦ ﺑﻴﺮﻙ ..

ﻭﻻ ﺷﺎﻓﺖ ﻋﻴﻮﻧﻲ ﺳﻮﺍﻙ

ﻭﻻ ﻋﺸﻖ ﺍﻟﻘﻠﺐ ﻏﻴﺮﻙ ..

ﺑﺮﺍﻙ ﻓﻲ ﺫﻣﺔ ﺍﻷﺷﻮﺍﻕ

ﻭﺣﻴـــــﺪ ﻣﺘﻮﻫﻂ ﺍﺭﺽ ﺍﻟﺮﻭﺡ ..

ﺷﻬﻴﺪ ﺟﺮﺗﻖ ﻏﻨﺎﻧﺎ ﻭﺳﺎﻕ

ﻭﺭﺍﻫﻮ ﺍﻹﺗﺮﺳﻢ ﺑﺎﻟﺒﻮﺡ ..

ﻣﺤﻞ ﻧﺴﻤﻊ " ﻭﻃﻨـَّــﺎ ﺍﻟﺰﻳﻦ "

ﺗﻄﻴﺐ ﺟﻮﺍﻧﺎ ﺃﻱ ﺟﺮﻭﺡ ..

ﻫﻮﺍﻙ ﻗﺒﺎﻝ ﺗﺸﻮﻓﻮ ﺍﻟﻌﻴﻦ

ﻣﺴﻄﺮ ﻓﻲ ﺍﻟﻘﻠﺐ ﻭﺍﻟﻠﻮﺡ ..

ويا ﺧﺎﻃﺮ ﺍﻟﻮﻫﺞ ﻭﺍﻟﻀﻲ ﺑﺮﻭﻕ ﺍﻻﻓﺘﻘﺎﺩ ﺷﻠﻌﻦ ..

ﺧﺒﺎﺭﻙ ﻭﺍﻟﻨﺴﻴﺞ ﺍﻟﺤﻲ ﻣﻜﺎﻧﻚ ﻭﺍﻟﺤﻠﻮﻕ ﺟﻤﻌﻦ ..

ﻧﺪﺍﻙ ﻓﻲ ﻛﻞ ﻣﺄﺫﻥ ﺍﻟﺤﻲ ﺻﻼﺗﻨﺎ ﺍﺫﺍ ﺍﻟﺠﺒﺎﻩ ﺭﻛﻌﻦ ..

ﺧﺸﻮﻉ ﺍﻻﻣﻨﻴﺎﺕ ﺍﻟﺰﻱ ﺟﺮﻭﺣﻨﺎ ﺍﻟﻔﻲ ﺍﻟﺠﺒﻴﻦ ﻟﻤﻌﻦ ..

ﻓﻴﺎ ﺣﻤﻴﺪﻧﺎ ﺑﻴﻨﻚ ﻭﺑﻲ ﻋﻮﻳﻨﺎﺕ ﺍﻟﺒﻠﺪ ﺩﻣﻌﻦ ..

ﻋﻠﻲ ﺍﻟﻜﻔَّﺖ ﺧﺪﻭﺩ ﺍﻟﺼﻲ

ﻣﻄﻮﺭ ﻟﻠﻴﻠـة ﻣﺎ ﻫﺠﻌﻦ ..

ﻓﻼ ﻃﺎﺏ ﺍﻟﻮﺟﻊ ﻣﻦ ﻛﻲ

ﻭﻛﺖ ﻛﻞ ﺍﻟﺤﺮﻭﻑ ﻧﺠﻌﻦ ..

ﻗﻠﻮﺏ ﺗﺎﺑﻌﺎﺕ ﺧﻄﺎﻙ ﻳﺎ ﺧﻲ

ﻭﺭﺍﻙ ﻣﻦ ﻓﺖَّ ﻣﺎ ﺭﺟﻌﻦ ..

*****