ابداك من جديد

أﺳﻤﺤﻠﻲ ﺃﺑﺪﺍﻙ ﻣﻦ ﺟﺪﻳﺪ ..

ﻭﺃﺩﻱ ﺍﻟﻘﺼﺎﻳﺪ ﻗﺪﺭﺓ ﺇﻧﻬﺎ ﺗﺤﺘﻮﻳﻚ ..

ﺃﺩﻱ ﺍﻟﻜﻤﻨﺠﺎﺕ ﻣﻦ ﺣﻨﺎﻥ ﺻﻮﺗﻚ ﻋﺸﺎﻥ ﻳﺤﻠﻰ ﺍﻟﻨﺸﻴﺪ ..

ﻭﺍﺩﻳﻨﻲ ﻣﻦ ﻗﻬﻮﺓ ﻋﻴﻮﻧﻚ ﺭﺷﻔﺘﻴﻦ

ﻭﺍﺳﻤﺢ ﺗﻐﻨﻴﻚ ﺍﻟﻌﺼﺎﻓﻴﺮ ﺍﻟﻤﻐﺒﻴﻬﺎ ﺍﻟﺸﺠﻦ

ﻟﻮ ﻣﻐﺮﺑﺖ ﺍﺣﺰﺍنا ﻭﺍﻗﺘﺮﺑﺖ ﺻﺒﺎﺣﺎﺕ ﺷﻮﻕ ﺟﺪﻳﺪ ..

ﺍﺳﻤﺤﻠﻲ ﺃﺑﺪﺍﻙ ﻣﻦ ﺟﺪﻳﺪ ..

ﺿﺤﻜﺔ ﻣﺤﻨـة ﻭﺳﻂ ﺻﺤﺎﺏ

ﻧﺴﻤـة ﺑﺘﺪﺍﻋﺐ ﻓﻲ ﺷﺒﺎﺑﻴﻚ ﺍﻟﺒﻴﻮﺕ ..

ﻛﻞ ﺍﻟﻤﺸﺎﻭﻳﺮ ﺍﻟﺤﻨﺎﻥ

ﺗﻘﺪﻝ ﻋﺸﺎﻥ ﺗﻤﺸﻴﻚ ﻓﺮﺡ

ﺗسكن ﻣﺪﺍﻳﻨﻚ ﻭﺗﺴﺘﺮﻳﺢ

ﺗﻘﺮﺍﻙ ﻣﻮﺍﻋﻴﺪ ﺭﻳﺪة ﻣﺎ ﺑﺘﻌﺮﻑ ﺗﻤﻮﺕ ..

ﺗﺮﺟﺎﻙ ﻣﺰﺍﺟﺎﺕ ﻛﻴﻔﻨﺎ

ﻗﻬﻮة ﻭﺟﻨﺰﺑﻴﻞ

ﻭﻛﺘﻴﻦ ﻣﻼﻣﺤﻚ ﻓﻲ ﺍﻟﺨﻴﺎﻝ

ﺗﺘﻮﻫﺞ ﻳﻨﻬﺰﻡ ﺍﻟﺨﻔﻮﺕ ..

ﻳﺘﻠﻮﻥ ﺍﻟﺨﺎﻃﺮ ﺣﻨﻴﻦ

ﻳﺘﻮﺍﺭﻯ ﻛﻞ ﺗﻌﺐ ﺍﻟﺴﻨﻴﻦ

ﺣﻴﻦ ﺇﺑﺘﺴﺎﻣﺘﻚ ﺗﺸﺘﻌﻞ

ﺃﻭ ﻫﻤﺴﺘﻚ ﺗﻄﻔﻲ ﺍﻟﺴﻜﻮﺕ ..

ﻳﺎ ﺭﺍﻣﻲ ﺿﻠﻚ ﻓﻲ ﺍﻟﺪﺭﻭﺏ

ﺍﻟﻐﺎﻓﺮة ﻟﻴﻚ ﻏﻴﺒﺔ ﺧﻄﺎﻙ

ﻣﺤﺘﻔﻈـة ﺑﻲ ﺭﻧﺔ ﺧﻼﺧﻴﻞ ﺇﻧﺘﺸﺎﻙ

ﻭﻣﻮﻧﺴﺎﻙ

ﻛـل ما ﺗﻌﺪﻳﻬﺎ ﻭﺗﻔﻮﺕ ..

ﻟﻴﻠﻚ ﺩﻩ ﻣﺎﻟﻮ ﻗﺪﺭ ﻳﻄﻮﻝ

ﻳﺮﻣﻴﻨﻲ ﺑﻲ ﻧﺠﻢ ﺍﻟﺬﻫﻮﻝ ..؟

ﻳﻠﻬﺐ ﻗﺼﺎﻳﺪﻱ ﺍﻹﻧﺘﻈﺎﺭ

ﺳﻔﺮ ﺍﻟﺤﺮﻭﻑ ﻳﻮﻣﺎﺗﻲ

ﻓﻲ ﻋﺸﻢ ﺍﻟﻮﺻﻮﻝ ..

ﺗﻬﺰﻣﻨﻲ ﺩﻣﻌﺔ ﺷﻮﻕ لديح

ﻛﻞ ﺍﻟﺼﺒﺮ ﺟﻮﺍﻱ ﻳﺸﻴﺦ

واتـﺸﺎﺑﻰ ﻟﻲ ﻭﺭﺩﻙ ﻭﻛﺖ ﻳﻄﻠﻰ ﺍﻟﻔﺼﻮﻝ ..

ﺗﻤﻼ ﺍﻟﻔﺮﺍﺷﺎﺕ ﺍﻟﺒﺮﺍﺡ

ﺗﺘﺒﻠﺴﻢ ﺍﻟﺮﻭﺡ ﻭﺍﻟﺠﺮﺍﺡ

ﻣﺎ ﻳﺸﺒﻬﻚ ﺇﻻﻛﺎ ﺯﻭﻝ ..

ﻭﻧﻬﺎﺗﻲ ﺑﻴﻚ ..

ﺟﻮﺍﻧﺎ ﻧﻨﺘﺨﺒﻚ ﺭﺳﻮﻝ ..

ﻟﻠﻌﺎﺷﻘﻴﻦ ﺍﻟﻄﻴﺒﻴﻦ

ﺍﻟﻤﺎ ﺑﻴﺨﻮﻧﻮﻫﺎ ﺍﻟﻌﻬﻮﺩ ..

للعابرين سبل الحقيقة المترفين

ﺭغماً  ﻋﻦ ﺍﻟﺰﻣﻦ ﺍﻟﺠﺤﻮﺩ ..

للبفتحولك الف خاطر ويندهوك 

للبمشو في الطرق التودي علي الأماني البشبهوك 

والباكر السمح الودود ..

ﻓﻴﻚ ﺇﺣﺘﺸﺎﺩ ﺍﻷﻣﻨﻴﺎﺕ

ﻭﺍﻷﻏﻨﻴﺎﺕ

ﻭﺍﻷﻣﺴﻴﺎﺕ

ﺍﻟﻌﺎﺷﻘـة ﻋﻴﻨﻴﻚ ﻭﺍﻟﻤﻄﺮ

ﻳﺮﻗﺺ ﻋﻠﻲ ﻋﺰﻑ ﺍﻟﺮﻋﻮﺩ ..

ﻛﻞ ﺍﻟﺤﻮﺍﺱ ﻣﻨﺘﺸﻴـة ﺑﻴﻚ

ﺑﺘﻐﻨﻲ ﻟﻴﻚ

ﻣﺎ ﻃﺎﺑﺖ ﺍﻷﻳﺎﻡ ﺑﻼﻙ 

لا ﻃﺎﺏ ﺑﻼﻙ ﻓﻲ ﺍﻟﻜﻮﻥ ﻭﺟﻮﺩ ..

ﻻ ﺭﻑّ ﺟﻔﻦ ﺍﻟﺮﻭﺡ ﺃﺑﺪ ﻟﻲ ﺯﻭﻝ ﺳﻮﺍﻙ

ﻳﺎ ﺯﻓّﺔ ﺍﻟﻌﺸﻖ ﺍﻟﻤﺠﺮﺗﻖ ﺑﺎﻟﻮﺭﻭﺩ ..

ﺍﺳﻤﺤﻠﻲ ﺃﺑﺪﺍﻙ ﻣﻦ ﺟﺪﻳﺪ ..

ﻭﺍﻓﺘﺢ ﻋﻠﻴﻚ ﺑﻲ ﺷﻌﺮﻱ ﺃﺑﻮﺍﺏ ﺍﻟﺨﻠﻮﺩ ..

*****

6/أبريل/2013